Undirbúningur Skotlandsferðar.

Já, við erum á fullu að undirbúa ferðina.  Við erum sem sagt að ákveða leiðina sem við förum og hvar við ætlum að gista.
Við förum frá Glasgow til Aberdeen og náum í mótorhjólið þar.  Þaðan förum við upp með strandlengjunni í þorp sem heitir Crovie,

    

alveg svaka skemmtilegt að sjá á myndum. Við förum svo þaðan niður til Glenfiddish og stoppum auðvitað á leiðinni, kannski gistum við í einhverju smáþorpi ef okkur líst vel á.  Síðan förum við aftur til Ballachulish,

 

þar sem við gistum í fyrra. Í nágrenni Ballachulish ætlum við að hitta einhvern kall sem Skjöldur kannast við, hjá Fort William og þaðan ætlum við að fara á einhverja af eyjunum við vesturströndina.  Við erum ekki búin að ákveða hvaða eyju við ætlum að heimsækja.....er einhver kunnugur þessu svæði og getur bent okkur á eitthvað voða sniðugt?  Við erum auðvitað frekar stressuð yfir þessu öllu en maður verður að taka sénsa í lífinu, ekki satt?

En fyrst förum við til Englands í golf, þann 16.maí - 19. maí.  Það verður líka gaman en kannski ekki svona mikið ævintýri!

Skjöldur var að fara suður til tannlæknis.  Kemur aftur á mánudaginn með Guðnýju Gígju með sér.  Hún er byrjuð í prófum, fer í tvö próf og ætlar að lesa undir síðasta prófið heima í firðinum fagra.

Athugasemdir

[Fríða (IP-tala skráð) 6.5.2008 kl. 12:16]

Það er ekki frá því að manni langi bara með !! Ég myndi samt bara vera á reiðhjóli.

Þetta verður örugglega alveg æðislegt hjá ykkur og þessar myndir eru alveg svakalega fallegar og mig langar bara næstum að flytja í þetta þorp - Crovie.